چلو اک نظم کہیں اس پر
جو کھڑکیوں کے باہر
ٹھنڈی تیز ہواوں کے بیچ
گھومتی پھرتی جدائی ہے
آسماں پر جو کالی
گھنگھور گھٹا کے پیچھے
کڑکتی ہوئی پیاس ہے
بارش کو ترستی ذمین
جو بوندوں کی طلب میں
کئی کئی تہوں میں
اکھڑ گئی ہے
چلو اک نظم کہیں
بل کھاتے شور مچاتے درختوں پر
جنکے ماتم آسماں سر پر اٹھائے ہیں
نظم کہیں ان پھولوں پر
بہار کی خوشبو کی آس میں
تہہ اوس جل گئے ہیں جو
چلو اک نظم کہیں
کہ اس بھیگتے منظرنامے میں
ابابیلیں سر ملاتی پھرتی ہیں
کالی گھٹا سے سوکھی ذمیں تک
ہر اک در کھلا ہے
اک نظم کہیں کہ خوابوں سا منظر
تکمیل پانے والا ہے!
_________________
صوفیہ کاشف
31 جنوری
،2024
SofiaLog 
Bohat khoob!
LikeLiked by 1 person
ماشآءالله بہت خوب 🌸💯🙏
LikeLiked by 1 person
ہوا کی تُندی و تیزی
گھٹا کی سُرمگیں وحشت
برستی بارشوں کی شدتِ وارفتگی سے
خُشک آنکھوں کی نمیدہ اور رنجیدہ اُمیدوں تک
ہماری عُمرِ رفتہ ایک ایسی سرزمیں محسوس ہوتی ہے
کہ جس کی پیاس پیہم ہے
اگرچہ سب میسر بھی، مکمل بھی
مگر احساسِ محرومی
نگاہوں سے ارادوں تک
جھلکتا ہے
ہماری زندگی کے ہر قدم پر
چاہتوں، دریافتوں اور سب اُمنگوں میں
حسین منظر
جواں سوچیں
یقیں رشتے
کمالِ فن کو چھوتے لفظ اور جُملوں کی خوشبو ہے
پھر اس پر رنگ ہے تُم سے جُڑی یادوں کی خُوش کن سی بہاروں کا
مگر، یہ کیا
بدلتے وقت کے ہر پل میں
یہ سب موسموں کے ارتقاء کی نذر ہو کر
سمندر کے کنارے ریت کی مانند
ہر اگلی لہر کی اُفتادگی کا رِزق بن کر رہ گیا ہے
تو اب یہ سوچنا ہے
اِن برق رفتار لمحوں، منظروں اور خوشبوؤں کو
بھیگتی منظر نگاری کو
ابابیلوں کے جُھرمٹ کو
گھٹاؤں سے زمیں تک سب دروں کو
اور خوابوں کو
دِلوں کی لوحِ ماضی پر
منقش کر لیا جائے
مُجسم کر لیا جائے
سو منظر ڈوبنے سے کُچھ ذرا پہلے
تعلق ٹوٹںے سے قبل
ہم
یادوں کی محفل پر
چلو اِک نظم کہتے ہیں
LikeLiked by 1 person
خوبصورت!
کچھ تعلق کیسے مختلف ہوتے ہیں!
بن جائیں تو معجزہ
ٹوٹ جائیں تو داستاں چھوڑ جاتے ہیں!
LikeLiked by 1 person